قصــة حب أبكت الجميـع وما زالت تبكيهم ..

من طرف ???? الثلاثاء أغسطس 25, 2009 1:21 pm

قصه حب ابكت الكثير وما زالت تبكيهم ..
هي قصه واقعيه .. لكنها طويله ..
نالت جائزه افضل قصه لعامين كاملين ..
ملاحظه : رجائي الخاص قرأتها كلها ..

(سعود) شخص فاشل بجميع المقاييس الحظ ردي واقف له بكل مكان و بكل زمان إنسان تعيس
ببساطة
وعلى كل ذا دلخ بكل ماتحمله الكلمة من معنى يتكون من كتلة تناحه تمشي على الأرض ولكنه
للأمانة كان وسيما جدا جدا .. المهم نشأ في بيت أبوه و أمه وترعرع في ذاك
و كبر و تم خمس سنين من الدلاخه وبعد أن يأسوا منه أمه و أبوه و كرهوا اليوم اللي جابوه فيه و
حس بالوحدة في هذه الدنيا في سن صغير أخذ يتحلطم كل ليله و يناشق آخر الليل حيث مرة من
المرات لحس إبليس مخه في ليله ظلماء استجمع قواه

من ملذات الدنيا فهم عائله متفتحة و متحررة (متحررة يعني بناتهم يطلعون كاشفات خخخخ ) و يوم
قلط عندهم استقبلوه بكل حفاوة قالوله وش جابك يا سعود عندنا (الله من زين الحفاوة) قال أمي
قالت رح نم عندهم قلت والله مهيب شينة و جيت فرحبوا به و نام مع خوية إليين قالوا ما نبيك و أخذ
يبكي ويبكي ليلا" نهارا" صار يدور بالحوش بسيكله بالساعات من الفهاوه .. حين كمل سنه
السادسه بعد شتى وسائل إقناع و طق تبقيس دخل المدرسة سنة اولى مغلوبين على امره هو و ولد
خالته (حمود) وصار
يلزق بحمود وين ما راح يروح معه لا اصدقاء ولا شي و حمود كان الوحيد الذي يرأف بحاله في
مواقف صعبه مثل حرمان ابوه المصروف طبعا" بذاك العمر كان المصروف اكبر مشكله يواجهها
الطفل ..
المهم حمود
ما قصر مع ولد خالته و صار يعلمه امور الحياه و كبرو ا إثنينهم و كان سعود ينجح بالدف و كان
حمود متفوق اكثر من سعود .. مما اشعل غيرة سعود ولكن حمود بذكائه كان يمتص غيرة سعود
بطيبة قلبه و لين اطباعه .. وصلوا لسن المراهقه 16 و الحال كما هي .. طلع حمود جوال
عد يحن على امه و هي داخله و هي طالعه اليييين اشترتله جوال عائلي طار من الفرحه سعود حط
اول رقم رقم بيتهم و الثاني رقم جوال ابوه و الثالث رقم امه و حمود و شغالتهم موزه و سواقهم
فخر الدين ..
حمود يرسله رساله و سعود يردها له ما عنده رسايل خخخخ (كسر خاطري شكلي بوقف القصه )
مر شهر و الجوال لازق بيد سعود ينام عليه يروح معه و يجي معه حتى بالحمام اعزكم الله يدخله
معه
مرة كان جاي من المدرسه بجوار سواقهم فخر الدين بسيارتهم ونوعها (كامري بوكس)
¤¤¤

بعد الظهر دق جواله
سعود انهبل من ذاإللي يدق عليه ماهي بالعاده ما يدري عنه احد وبعد ان استجمع سعابيل اللهفه
داخل فمه و سكنت شهقات الشغف في بلعومه رد :
سعود: الو
ردت عليه بنت قالت :اهلين
سعود: إيشتبين؟
البنت: ذا جوال غادة؟
سعود: لا ذا جوالي
البنت: اسفه على الازعاج باي
سعود: طيب
اغلق السماعه سعود و اغلقت تلك الفتاة السماعه و لم يحرك ساكنا سعود لانه عديم الاحساس
و ما يدري عن الدنيا فلم يأبه لتلك المكالمه
مرت ربع ساعه ولازال سعود بالسيارة رن جواله بنفس الرقم
سعود: الو
البنت: هلا معليش بس انا متاكده ان ذا جوال غادة انت متأكد انه موب جوالها؟
سعود: انتي ما تفهمين؟ قلنالك ذا جوالي
البنت: طيب لا تنافخ خلاص اسفيييين وجع ¤
طراخ سكرت بوجهه ..
سعود: ياأخي والله بنات ذالوقت لا حياء ولا حشيمة ما يستحون على وجيههم
فخر الدين: ايس فيه؟
سعود: سق السياره و انطم لا ارجفك بذاالجوال
فخر الدين: ايس فيه؟
سعود: ياأخي من كلمك انت الحين
فخر الدين: تيب.
رجع سعود للمنزل و تغدا مع امه و ابوه و راح خمد دقت عليه تلك الفتاة الساعه 4 بالعصر (وناسة فتاة خخخخ )
البنت: معليش ازعجتك
سعود: لا عادي بس إشتبين هالمرة؟؟؟
البنت: اممم صراحة ماني عارفة إش أقولك
سعود: تراك من جد اقلقتيني وشبك
البنت: خلاص باي .. و سكرت بوجهه
سعود: الحمد لله و الشكر
مر يومان و قد نسي سعود تلك السالفة ولم تهز شعره من شعرات راسه الصغير
اما تلك الفتاة فقد بدأت تخطو اول خطوه في درب الغرام و اصبح فكرها معلق بذلك الشاب الوسيم ذو الصوت المبحوح الجميل والدلخ في نفس الوقت (ماتدرين وش مخبي الزمن لك يا فتاة خخخخ)وقد اغراها
ان الرجال ثقل ما يمزح وصارت تسبح بمخيلتها برسم صورة ذلك الشاب و اصبح صدى صوته يهمس لمسمعها كل حين ..
وبعد اسبوع من تلك المكالمه قررت ان تصارحه بعد ان اتعبها الحنين و وآلمها الونين
ففي يوم خميس الساعة الحادي عشر ليلا" .. اتصلت على الدلخ سعود

البنت: مساء الخير
سعود: إنا لله أنتي مره ثانيه!
البنت: واللللله أدري إني غثيتك بس تحملني
سعود: ومين إنت علشان اتحملك
البنت : طيب انت الحين ليش معصب!
سعود: لانك تنرفزين الواحد
البنت: طيب اسمع ابي اقولك شي
سعود: شوفي تسكرين ولا انادي امي الحين.؟
البنت: خلاص طيب باي
سعود: باي
اخذت تلك الفتاة تعتصر دموعها و تبكي كما طفلة فقدت لعبة احبتها واحست في تلك اللحظه أنها
ضائعه فقد احبت ذلك الشاب بينما هو لا يبادلها الشعور و قررت ان تنسى امر ذلك الشاب و كان قرارها حازما ..
مرت فترة وهي تحاول جاهدة ان تتناسى .. ولكن في لحظه خانت عهدها و قررت ان تجرب حظها مره اخرى لعل و عسى .. و قالت بنفسها اخخخخر مره إن حبني ولا بكيفه
اتصلت بسعود ..
سعود: الو
البنت: هلا كيفك؟

يتبع

من طرف ???? الثلاثاء أغسطس 25, 2009 1:21 pm

سعود: الحمد لله مين معي؟
البنت: ماشاءاللة أمداك تنساني
سعود: اييييه انتي ذيك البنت اللي دقيتي علي و كان جمبي سواقنا؟ يوم اتهاوش مع سواقنا و كذا
البنت: وأنا اش دراني .. المهم ذكرتني؟
سعود: أي عرفتك انتي النشبه .. وشخبارك ؟
البنت: احم . الحمد لله .. اسمع انا ابكلمك بموضوع و عارفه وش بترد علي بس علشان ضميري يستريح
سعود: عسى ما شر وشفيه؟
البنت: ما في شي بس انا بصراحه يعني مو عارفه شقولك
سعود: وشتقولين؟
البنت: اول شي وش اسمك؟
سعود: اسمي( سعود ليش؟
البنت: شوف سعود انا بصراحه من يوم كلمتك اول مره صرت افكر فيك ما نسيتك ابد كل ما حاولت انساك
اذكرك و احبك زود صدقني انا ما قلتلك اني احبك الا لاني خلاص بموت
سعود: طيب انا شسويلك؟
البنت: هو كيف شتسويلي اقولك انا احبك تقولي شسويلك
سعود: كيف تحبيني .. يعني زي امي و ابوي؟ (بدت عصارات الدلاخه تفرز بالمخيخ)
البنت: ايوووووه صح
سعود: اها طيب
البنت: وشو .. طيب كل ذاالكلام و تقولي طيب؟
سعود: احترنا معك ان قلت شسويلك قلتي كيف شتسويلي و ان قلنا طيب قلتي وشو طيب وشتبيني اقول
البنت: الحين انت لما تسمع امك تقول لأبوك احبك وشيرد عليها؟
سعود: يقول لها موب وقته
البنت: يوووه كيف بفهمك انا الحين
سعود :تفهميني وش ؟
البنت: ياشييييييينك
سعود :طيب طيب اسمعي أمي الحين تطق الباب تقولي تروش لا امصع رقبتك باي باي.
البنت: باي.
¤¤¤¤¤¤¤¤¤¤¤¤¤¤¤¤
فرحت الفتاة لحسن تجاوب سعود و من جهه اخرى اخونا سعود امه تبقس بالباب تبيه يفتح
سعود: يمه وخري عن الباب ولا ترا منب طالع
ام سعود: انت رجال؟ افتح الباب ..
سعود: صدقيني موب فاتح الباب
ام سعود: شوف بعد من الواحد لين 3 لو ما فتحت
سعود: طيب وخري والللللله لأطلع
ام سعود: طيب وخرت اطلع
سعود: يلعنننننن ام النصب انا اشوف رجولك هاللي شكبرها تحت الباب بكيفك منب طالع
ام سعود : هالمره بروح بس انتظر تخلص من الحمام علي الطلاق لاطرحك بالأرض
سعود :ماهي عاقلة اجل علي الطلاق .. اصلا اصلا ابوي متى ما يبي يطلقك يطلقك يعني موب بكيفك
ام سعود :هاه.. لا ابوك ما يسويها
سعود: انا بقوله الكلام اللي صار و يصير خير إن شاءالله
ام سعود :تقوله اني قلت علي الطلاق؟
سعود: يس
ام سعود :افا سعود كذا تهون عليك امك .
سعود :ولا عليك امر البخشيش ولا ترا أقسم بالله لأقول لأبوي
ام سعود : وجع كم تبي؟؟
سعود: اممم اللي يجي منك ما نقول لا
....
انقضت يومين على تلك السالفة وبعدها اتصلت اختنا في الله على سعود
البنت: مساء الخير
سعود: هلا
البنت: كيفك ؟؟
سعود: زفت
البنت: لييش ؟؟
سعود: كذا مزاج
البنت: اممم اوكي طيب وشلون الدراسة معك
سعود: تراك قلق تدرين ولالا؟
البنت: انت ليش كذا تكلمني شسويتلك انا؟
سعود : انتي مييين اصلا؟
البنت: سعود الله يخليك افهمني
سعود : وش اللي احبك يا بنت الناس وين قاعدين!
بكت البنت بشدة و اصبحت تناشق و هي خلقة مزكمه يعني الامور صعبة عندها سحبت منديل من
الطاوله المجاوره و انبعث صوت حاد نتيجه ذاك المنديل (حامت كبدي خخخ) يوم خلصت
البنت: سعود انا احبك ما تعرف وشو يعني احبك
سعود: انتي تبكين ؟؟
البنت: أي ليش ؟؟
سعود: لا الله يخليك لا تبكين ما تعودت احد يبكي قدامي ترا اصيح معك الحين
البنت: لا عادي انا كل يوم ابكي يعني ما في شي جديد
سعود: شوفي
البنت: هاه
سعود: انا ماعرف حركات حب ما حب جد اكلمك ما قد جربت هالشي صح انا احس اني ارتحت لك
وانك الشخص الوحيد اللي معطيني من وقته بس صدقيني ماقدر ابادلك الشعور اللي تحسينه
البنت: كيف محد معطيك من وقته
سعود :من ونا صغير محد يكلمني و يعطيني من قلبه شوي حتى امي و ابوي يعاملوني معامله سواويق
البنت: ياعمري
سعود: حتى حمود ما يحبني
البنت: مين حمود
سعود: ولد خالتي
البنت: طيب ليش كل ذا (حست انها طاحت على واحد دلخ لولا قلبها ناغزها)
سعود: حظي الردي
البنت: اها طيب شوف سعود انا زي اختك أي شي تحتاجه قلي لا يردك الا لسانك و كل اللي بقلبك قله لا تخلي شي ابد
سعود: والله
البنت: أي يا سعود انا احبك
سعود: حتى انا
البنت: وشو حتى انا
سعود: حتى انا زيك احبك بعد
البنت: والله
سعود: قسمن بالله
البنت:يا فرحتي
سعود: طيب وش اسمك ترا ما عرفت عنك شي
البنت: مشاعل
سعود : مين سماك
مشاعل: والله ما بعد سألت امي
سعود: اها
مشاعل: ونت مين سماك
سعود: مدري امي تقولي انهم مسميني على جدت ابوي
مشاعل: كيف جدت ابوك اسمها سعود
سعود: أي انا سالت امي نفس السؤال قالتلي موب شغلك قلتلها طيب
مشاعل: طيب انت باي صف
سعود : ثالث ثانوي ونتي
مشاعل: اول ثانوي
سعود: اها الله يوفق
مشاعل: و يوفق الجميع ان شاء الله
سعود: اقول مشاعل انا الحين لازم اسكر اشوفك بعدين اوكي
مشاعل: اوكي متى ادق عليك
سعود: بعد الساعه 11 علشان يصيرون امي و ابوي نايمين و ترا معلش جوالي عايلي ماقدر ادق عليك
مشاعل: اوكي لا تشيل هم اكلمك بكرة
سعود: اوكي في أمان الله
مشاعل: باي
لم تعد تلك الليله في نظر مشاعل كسائر الليالي انتثر في مشاعرها شعور البهجه و الفرحه فاصبح سعود
الشي الوحيد الذي تفكر فيه طوال ليلها فقد كان سعود ذلك الشاب الذي يكسر الخاطر والذي تكتسيه
الطيبة و الحنيه اعجبت بشفافية اخلاقه و قلبه الرقيق الابيض شخصيته المسالمة عيشته البسيطه
القناعه و اشياء كثيره تكتشفها بسعود يوما عن يوم
اصبحت مشاعل تكلمه بشكل يومي حتى انها لا تطيق فراقه ليوم واحد و اليوم الذي يأخذ ابوه جواله
كعقاب تقعد تصيح مشاعل (احس ان مشاعل بمستودعهم كراتين فاين لولا الصياح يلعن ام الصياح
اللي تعرفه) و استمرت علاقتهم ترما" كاملا و هم على حالتهم تلك حتى تجرأت مشاعل بقولها لسعود..
مشاعل: حبيبي سعود ابي اقولك شي
سعود: تدللي يا عيون سعود (اخس طلع اسلوب الولد ماهوبسهل خخخخ)
مشاعل: تسلم عيونك يا روحي .. امممم ودي اشوفك
سعود : تشوفيني
مشاعل : اييييه
سعود: كيف ؟؟
مشاعل : وش اللي كيف عادي كيف الناس تشوف بعضها بلا غباء سعووووود
سعود: انا فاهم بس اخاف
مشاعال عن بو دارك انا اللي مفروض اخاف
سعود: يا دوبه انا اخاف من ابوي و أمي لو يدرون يحطوني بدار الايتام هم يدورون فيني الزلة
مشاعل: ما عليك كيف بيدرون
يتبع <<<

من طرف ???? الثلاثاء أغسطس 25, 2009 1:23 pm

ام سعود:ماشالله تبارك اللله ما غلطت يوم اخترتك لولدي يا بنيتي
مشاعل(باستحياء) : الله يسلمك يا خالة
انتهت العزيمة و سعود قاعد ينتظر برا داق لطمة علشان ما يقولون مطفوق جاي خخخخ
سعود : هاه بشررري وافقو
ام سعود : الى متى ونا اعلم فيك للحين ما طلبنا يدها رسمي انتظر وجع
سعود : طيب يالله اطلبوها رسمي .. ثاني شي وشو رسمي يعني
ام سعود : رسمي يعني انك تسكت و تثقل و خل كل شي علي
سعود : طيب
وصلوا البيت دق سعود على مشاعل
سعود : وش ذا يا مشاعل امي تقول نور القمر ماشالله
مشاعل : حرام عليك عاااااااااد ترا والله استحي
سعود : والله ان قلبي حاس ان ربي ما راح يجمعني فيك ليش مدري
مشاعل : لا تقول كذا سعود ترا ابكي الحين
سعود : لا خلاااص كل شي ولا صياحك ترا قرفني قسمن بالله كل ما اكلمك لازم وقت مستقطع تصيحين
بسبب و بغير سبب
مشاعل : اشوا
سعود : امي مهيب صاحية تقول رح اكشف يمكن فيك امراض خبيثه تبهذل البنت معنا خخخخخخخ
مشاعل:بسم اللــه عليــــك
سعود : اشوف الموت يا مشاعل ولا اشوفك بليلة العرس احس بستـــحي
مشاعل : انا شكلي بصيح اذا شفتك
سعود : والله ارجع انام ببيتنا و اخليك تنامين لحالك
مشاعل : بحاول امسك نفسي
راح سعود لامه لقاها ضايق خلقها
سعود : شفيك يمه
ام سعود : مافيني شي
سعود : الا والله فيك قوليلي يمه
ام سعود : يا سعود يا ولدي منب قادره افارقك ونت وحيد عيالي
سعود : لا تخافين يا يمه بسكن جنبك ولا مشاعل ولا غيرها تقدر تاخذني منك انتي امي و جنتي تحت رجلك و صدقيني كل ما تذكرتيني بتلقيني بوجهك ..
بكت ام سعود ولاول مره يرى سعود امه تبكي و حاولت ان تخفي دمعاتها و ما ان اجهشت بالبكاء
حتى حضنت سعود بشدة و بدأو كلاهما بالبكاء
خطبوا اهل سعود مشاعل بشكل رسمي و وافقوا اهل مشاعل استمروا على الخطبه الى ان تخرج
سعود و التحقت مشاعل بكلية الحاسب,, فكتبوا الكتاب حتى ازدحمت زغاريط الحريم و قام سعود يزغرط معهم وحمل مشاعل على كفيه و اخذ يركض بها و شفاههم تملأها الضحكات والفرحه تكاد ان تخترق صدورهم من شدتها فلم يتوقع كلا منهم ان ياتي ذلك اليوم ولكن مشيئه الله فوق
مشاعل : سعوووووووووووووووووووووووووود
سعود:عيووووووووووووووووونه و كله تدللــــــــي
مشاعل : احبــــــــــــــــك يا سعووووووووووووووووووووود
سعود : ونا امووووووووووووووووووت بك يا دوبــــــــــه
مشاعل :عسى ربي لا يحرمني منك و من شوفتك قل اميــــــن
سعود : اميــــــــــــن
مشت الايام و الحب في قلوبهم طفل يكبر يوما بيوم صاروا يطلعون ليل نهار مع بعض ما يملون من بعض
ابد حتى شكو الناس انهم مسحورين قرب وقت الزفاف وبدأت الناس تفصل و تعدل بالفساتين
و الكل مشغول وينتظرون وقت الزفه بفارغ الصبر ولا شك ان العروسين متحمسين لذلك اليوم و ما يحويه
هذا اليوم من افراح العمر بعد قصة حب دامت اكثر من اربع سنين من العثرات و الذكريات الجميله و البائسة
صمدوا و تجرأوا على اشياء لم يستطع غيرهم ان يفعلها وفاء للحب الذي بينهم وقفت ظروف الزمان في
اوجههم و قهروا تلك الظروف الصعبه في سبيل ذلك اليوم يوم العرس الذي طالما كان حلمهم الوردي
بدأت الايام تقل و ازداد حماس العاشقين حتى تبقى يومين لتلك الحفله و بركان الصبر يكاد ان ينفجر من صدورهم ..
مشاعل : سعووود هانت هانت بقى يوميــــن بـــس
سعود : عسى خير
مشاعل : مجهزتلك مفاجأأأأأأأه بيوم العرس يا بعد روحي انت
سعود : وشي
مشاعل : مصدق انت بقولك ..!!
سعود : لاااااا قولي
مشاعل : مافيه
سعود : طااايب اصلن حتى انا مسويلك مفاجأه بس ماني قايلك وشهي
مشاعل : احسن اصلا عادي
مرت الساعات و التوتر يطبع ملامحه على وجيه الجميع
مشاعل : حبيبي بكرة بتشوفني بفستاني الابيض وش بتحس فيه
سعود : امممممم بشيلك قدام الناس كلها و برقص وبسوي كل شي لين تصدق الناس اني مجنون
مشاعل : منت صاحي
سعود : يوووووه ذكرتيني بجيب ثوبي عند الخياط عساااااني الحق بااااي
مشاعل : باي انتبه شوي شوي لا تسررررع لا اشنقك
طرااااخ
ركب سيارته سعود و قاد سيارته بسرعه جنونيه و شتائم الناس تترامى عليه من حوله ولم يأبه لاحد
الى ان وجد امامه شاحنة كبيره كانت واقفه على جانب الطريق لعطل كان فيها حاول
ان يوقف السياره ولكن لم يفلت من قدر الله سبحان الله فارتطم بها فاصبحت سيارته كما العجين تراكم حوله جموع البشر و الجماهير و الدماء تكتسيه من جبينه و حتى اطراف قدمه حمله احد الاشخاص الى المستشفى وعلمت ام سعود بالخبر
ذهبت مع والد سعود الى المستشفى باقصى سرعه ممكنه و الاجهزه والاسلاك تتبعثر على جسده و رنين جهاز القلب لم يكف انينه و لم تستطيع ام سعود ان تسيطر على نفسها فاجهشت بالبكاء و ما ان علمت مشاعل بالخبر حتى خرجت خارج المنزل من غير عبايه لتصل الى المستشفى وهي ترو تهمس باذنه تهمس تكفى يا سعود كلمني رد علي لا تخليني يا سعود ففتح عينه و التعب قد وضح عليه ففرحت مشاعل و مسحت بعضا من دموعها الكثيره و ابتسامه الامل و التفاؤل قد رسمت على ثغرها الصغير
سعود : مشاعل
مشاعل :هلا سعود
سعود : احبك موت يا مشاعل
مشاعل : ونا اموووووووووت فيك يا بعد عمري
سعود : قربي خدك
اقتربت منه بعد ان ردت خصائل شعرها وراء رأسها و حاول قدر الامكان ان يقترب منها فقبّل سعود وجنتها المورده و مازالت شفاه سعود ملتصقه ترتعش بخد مشاعل و عدد نبضات قلب سعود قد بدأت تعد عدها التنازلي لكي يودع هذه الدنيا و مشاعل وسط ابتسامتها نزلت دمعه ذابت علفي تلك اللحظه احسست مشاعل بدفء قبلته و ما ان التفتت الى سعود و رأته و قد ودع الدنيا و قد اغلق اجفانه الناعسه
و ابتسامته لرؤيه مشاعل اخر لحظات حياته هي اللي تبقت من سعود فبكت وهي تضحك من قهرها و اخذت تصرررخ
بشده تهتف لا يا سعود بكره ابيك جنبي تجلس جنبي تكفى لا تموووووت سعوووود الله يخليك انت ما مت تكلم
و بكاؤها يبعثر كلامها فسقطت مغميا عليها على صدره و يدها لا تزال تمسك يده و دخلت ام سعود على اثر تلك
الصرخه تلك اللحظه و ضعت يدها على فمها مذهوله مصعوقه من المنظر حتىى أرتمت و بكت هي الاخرى في فقدان ضناها الوحيد فأتى زوجها و هدئ من روعها و اجلسها في الخارج و مشاعل لا تزال في غيبوبتها و علم ما تبقى
من الاهل بذلك الحادث المروع فقد مات سعود و سبق قدر الموت قدر الزواج بيوم واحد مات سعود اللذي احبه جميع
الناس
مات سعود وحيد امه و ابيه مات سعود اللذي احب مشاعل واحبته مات سعود صاحب القلب الابيض الطيب
الرقيق مات سعود و قد بكى له جميع البشر و مشاعل ما ان فاقت من غيبوبتها حتى بدأت تبكي باليوم الواحد ساعات
طوال
حتى عميت عيناها وبعد 6 شهور من موت سعود و بعد ان نفذ صبرها و لم تعد تحتمل هول الصدمة جاء اجلها بين اهلها في فراشها ولحقت بحبيبها فقد انهى الموت بطغيانه على قصة حب جميله بريئه وكان ظرف الموت اقوى من حبهم

يارب ديم المحبه في قلوب البشر..